لو قابلت شخص عنده غيبوبه سكر هتتصرف ازاي ⁉️
كتبت وفاء سليمان محمد
لو قابلت شخص عنده غيبوبه
شايف الصوره اللى تحت دى 👇👇😏
اكيد فكل بيت مصرى فيه شخص او اكتر بيعانى من مرض السكر
لو صادفت واحد حصله غيبوبة سكر ادامك
هتتصرف ازاى؟؟!!!
هتدوب معلقتين سكر فكباية ميه ووتشربهمله علطول؟؟!
دى اكبر غلطه ممكن تعملها ❌️❌️
و ممكن تؤدى لوفا/ته لا قدر الله ….
🔴 طب هنعمل ايه؟؟!
انا اتكلمت عن الموضوع بالتفصيل ففيدو
و لكن هكتبه كتابه
عشان اصحاب الباقات الضعيفه
و المعلومه توصل لاكبر قدر ممكن من الناس نظرا لاهميتها جدا جدا جدا
جداااا جداااااا جداااا جداااا
بص 👀👀
اول حاجه لازم تعرفها
مريض غيبوبة السكر بيبقا فاقد الوعى تماما
يعنى انت لو شربت كباية ميه و شرقت ( يعنى الميه دخلت فالقصبه الهوائيه بدل ما تنزل فالمعده)
فربنا سبحانه و تعالى مدي للجسم اسلوب دفاع ذاتى ينقذ بيها نفسه
اللى هو “يكح لحد ما يطرد شوية الميه دول و يبقا قادر على التنفس بشكل طبيعى”
اللى دخل غيبوبة السكر بيفقد القدره دى يعنى ميقدرش يشرق و يكح عادى زينا
يعنى سيادتك بتدوبله سكر فميه و تشربه و هو عنده غيبوبة سكر
و هو اصلا فغيبوبه فمش عارف يبلع
فوارد جداااا شوية الميه دول يدخلو فالقصبه الهوائيه و منها للرئتين
و يمو%ت من غير ما يبان عليه ولا هتحس بيه ولا حتى هيدى اى رد فعل
لانه فغيبوبه زى ما شرحت…
طب ايه الحل؟؟! و نتصرف ازاى؟؟!
بصو كدا اولا لازم تعرف
ان غيبوبة السكر المحروق ادامه دقايق قليله جدااا و بعدها يبدا يعانى من المضاعفات او المو%ت
غيبوبة السكر المرتفع معاه وقت اكتر انك تسعفه… هو طبيعى سكره عدى ال ٥٠٠ او ال ٦٠٠ فشوية السكر اللى هتديهمله دلوقت مش هما اللى هيبهدلوه…
لو قابلت شخص عنده غيبوبه
فالاسعافات الاوليه بتقول فى كلا الاحوال اعمل الاتى 👇👇👇
اعمل الاتى و متجودش
١- هتفرد جسم المريض على ضهره
٢- هتفتح بقه و تتاكد ان لسانه مش لافف و بيعيق التنفس
٣- هتلف راس المريض على جمبه عشان يا اما يبقا باصص يمين او شمال
يعنى جسمه على ضهره و راسه بصه يمين او شمال (و الوضعيه دى عشان تتجنب اى حاجه تسقط فزوره فتخنقه من غير ما تحس)
٤- هتجيب اى حاجه مسكره (سكر- مربى- عسل اسود- عسل ابيض) و تحط كميه قليله على تانى و تالت صباع
٥- و تدخل صوابعك فبقه و تبدا تدلك الخد السفلى من الداخل ( يعنى لو راسه يمين او شمال اختار الخد اللى دايما يبقا تحت)
٦- ابدا اعمل مساج بالراحه (الاغشيه المبطنه للفم من الداخل هى اسرع مكان ممكن يمتص منه السكر بشكل سريع… اسرع من انك تبلعه كمان)
٧- المفروض هيبدا يستجيب معاك فى خلال دقايق… استمر
٨- لو مفيش اى استجابه… يبقا دا احتمال كبير غييوبة سكر مرتفع…
انقله بسرعه على اقرب عياده او طوارئ فمستشفى عشان يقومو بالواجب
*ملحوظه ١: تجنب انك تدى للمريض اى جسم كبير عشان يمصها لانزدى ممكن تسد المجرى الهوائى بشكل مباشر…
*ملحوظه ٢: لو اللى قدامك بدأ يدخل فالغيبوبه و فايق نص نص تجنب برضو موضوع الميه بسكر عشان ممكن يدخل فالغيبوبه فاى لحظه و يشرق و يمو%ت منك من غير ما تحس
*ملحوظه ٣: احسن التصرف و قوم بالخطوات دى بشكل سريع بعيد عن التوتر
طبعا الصوره ملهاش اى علاقه بالموضوع
و لكن عشان الفت نظركم لموضوع مهم زى دااا
ممكن تنقذ بيه كام روح؟؟!
